هذه الرحلة الطويلة من جديد إلى آخر والتي تبدأ يومياً من الصباح حتى لحظات التثاؤب!
فما أن تشرق الشمس حتى يخطر على ذهني تساؤل واحد: ما الجديد؟ أو بالأدق: إيه الجديد؟
خطاب .. تنحي .. تناحة .. بجاحة .. أصبحت أتعجب من هؤلاء الذين نطلق عليهم إسم "حكام" ..
خطاباتهم لا تدل على أنهم حكماء أو كان لهم علاقة بالحكمة في يومٍ ما .. من شدة صدمتي بأساليبهم في خطاباتهم إلى الجماهير العريضة (اللي بيفكروها لسه عبيطة) وجدتني أطلق عليهم ألفاظ وألفاظ !!!
إنهم أُناسٌ سوقيون ومعلش إذا طلعو سوقيين بس النحو مش هيفرق لأن الصفة لازقه فيهم بالبتاع ده اللي بيطلقوا عليه "بلك" أو "غِرى"!!!
بجد! مش ممكن .. ناس تحف بس لو أقابل سوزان مبارك أسألها ليه مبعتيهمش مع التحف اللي بعتيها من مصر؟ أصلها أكيد بتفهم في الآثار حتى لو معندهاش أصل .. بزنس إز بزنس!
لكن هنعمل إيه؟
إنّا لله وإنّا إليه راجعون، ومعمر وجماعته في النار بإذن الله محشورون، وحسبي الله ونعم الوكيل فيهم كلهم واحد واحد بـ مراته بـ عياله اللي فاكرين البلد بتاعتهم وكل واحد فيهم قاعد يبيع ويشتري فيها ..
معلش هيا قلبت عاميه بس الواحد في أحلى اللحظات وأقساها (جمله مشتقه من قول مأثور:) ) مبيعرفش ينمق الكلام ويزوقه والدردشه بتصرف النحو .. وكل متنحي وانتو ثوّار .
مع تحياتي
ثائرة عن بعد
